ما هو تسويق العصابات؟ آيكيا و7 أمثلة مبدعة للجوريلا ماركتنج

ما هو تسويق العصابات أو تسويق الميليشيا؟

Guerrilla marketing؟

الحكاية هنبدأها من البحرين على واجهة آيكيا.. لما الناس صحيت من النوم لقوا اليافطة مكتوب عليها:

Create your perfect night sleep

لحد هنا مفيش مشكلة، تحتها مكتوب بالعربي جملة مالهاش علاقة لا بآيكيا ولا باللي مكتوب بالإنجليزي مكتوب: نفس المكتوب بس بالعربي، فيه ناس قالت دول قاصدينها وناس قالت دي حاجة زي ترجمات جوجل بتاعة المصممين زمان لما كان يترجملك Hot dogs على انها كلاب ساخنة كده..

المهم الموضوع انتشر واتشهر وآيكيا أصلًا مش ناقص شهرة، والماركتيرز كالعادة غطسوا يومين وطلعوا كتبوا عاليافطة:هذا اللي يصير إذا ما نمت زين..

جديد؟

غير تقليدي؟

عجبكم؟

طيب تعالوا نكمل..

تعالوا نشوف الفيديو ده كده

في الفيديو ده شبكة تلفزيونية بتوضح لنا بشكل واضح ما هو تسويق العصابات

الشبكة بتعلن عن انها بتقدم مسلسلات درامية ليها بس بطريقة مبتكرة، شوفوا الفيديو كده وهتلاقوا فيه كمان اعلان لفيلم الراهبة The Nun..

في التسويق النهارده لا يمكنك اغفال دور كلمة العميل، اللي بيسمى التسويق الشفوي #word_of_mouth اللي بيعرف اختصارا بWOM..

وهو يعتبر جزء من منظومة تسويق العصابات او Guerrilla marketing

اللي ابتكرت في التمانينات عشان تعمل التسويق بطرق مبتكرة وغير تقليدية ومفاجئة وقليلة التكلفة، وده اهم ما يميزها.

مع تطور وسائل التواصل والاتصال بقت كلمة العملا اللي بيتناقلوها بينهم وبين بعض لها دور كبير جدا في عملية التسويق، ساعات بيكون التأثير اكبر كمان من وسائل التسويق المعتادة او التقليدية، العلماء التفتوا للموضوع ده لما لوحظ ان الجيل الجديد بقى طول الوقت منهمك في التعامل مع الموبايل والتابلت ومتصل بالإنترنت دول الوقت ومش بس كده، بيتكلموا مع بعض وبيعملوا تشات وخلقوا لنفسهم مجتمعات افتراضية جديدة لكنها قوية التأثير في الواقع.

التسويق الشفوي اللي بتعتمد عليه استراتيجية تسويق العصابات بيعمل ضغط اجتماعي على المسوق والمنتج، كلمة واحدة من عميل غاضب ممكن توصل بالمشاركة الفيروسية للمنشورات على فيس بووك لمليون مستخدم في غضون ساعات قليلة، وطبعا كلنا عارفين ان العميل هو الزعيم، Customer is the King وبكلمة واحدة من هذا الزعيم أو الملك يقفل شركات، ولو ماطلعش فلوس من جيبه الكل بيروح بيتهم والشغل بيقفل خالص، فما بالنا بمليون متابع صدقوا الكلام الغاضب للعميل؟

يعني تحس ببساطة دي مظاهرة الكترونية، شبيهة بالتظاهرات السياسية في الشارع لكن أون لاين وتخيلوا تأثيرها العالمي!

وطبعا زي اي عملة، لها وجهين، عيوبه ان ممكن عميل غاضب بس مخادع يعمل مشكلة ضخمة لبيزنس ما، زي ما حصل مع أزمة هاينز في مصر سنة 2016 واللي اتضح وقتها بعد كل الدعاية السلبية للمنتج الشهير ان فيديو الطماطم الفاسدة اللي اتشير بكثافة مكنش من مصانع هاينز أصلا..

يبقى عشان نوضح أكتر.. فتسويق العصابات او جوريلا ماركتنج هو مصطلح يشير إلى إستراتيجية في التسويق تعتمد على استخدام وسائل منخفضة التكلفة و غير تقليدية (مثل الجرافيتي أو الملصقات، أو التواجد في الشارع أو وسط الناس) في إطار محلي (بشكل عام) لجذب الانتباه لفكرة أو منتج أو خدمة.

تطور مصطلح تسويق العصابات اليوم ليشمل أمور أخرى مثل الترويج عبر شبكة من الأفراد أو المجموعات أو المؤسسات التي تعمل لإشاعة المعرفة بمنتج أو فكرة معينة من خلال استخدام إستراتيجيات مثل التجمع المفاجئ أو التسويق الفيروسي أو الإعلان على الإنترنت..

لو مدروس صح بيوصلك للعملاء بسرعة وبشكل لطيف ومحبب وبيعلم وبالتالي بيجيب عائد على الاستثمار اكبر بكتير من وسائل الاعلان التقليدية، بس مهم ان الابداع مايقلبش الدنيا ضدك، شوفوا ال GIPHY ده كده، برضه جوريلا ماركتنج…

https://giphy.com/gifs/guerilla-marketing-g0nA46gxFb7Z6?fbclid=IwAR1BrMLttQQLXflCz1SR5jqFm8WiX5dnYBNSo-d3I_fBocLXMetEGCQD3rU