ما هو البراندينج؟ وكيف فسرته لنا ياسمين عبد العزيز بظهورها في اعلانات شركات المحمول؟
ظهرت ياسمين عبد العزيز في اعلان جديد لشركة المحمول الشهيرة فودافون في فبراير ٢٠٢٣
طيب ايه المشكلة؟!؟
مفيش مشاكل
فيه قصة وفيه علم وفيه مفاهيم هنبسطها سوا في الكام سطر الجايين دول
يلا بينا؟
في رمضان اللي فات
ظهرت ياسمين عبد العزيز – وهي نجمة اعلانات بالأساس قبل أن تكون نجمة تمثيل – في اعلان لشركة وي
اعلان وي مع كريم محمود عبد العزيز كان هو تقريبا احلى اعلان في رمضان اللي فات
طيب ايه علاقة ده برضه بسؤالنا الاول عن ما هو البراندينج؟!؟
ياسمين ولبس ياسمين وديكورات الاعلان وفونطات الكلام وكل حاجة كانت متناغمة مع ألوان لوجو شركة وي
عالم كامل من اللون البنفسجي
كنب وكراسي وتليفونات واكسسوارات كلها بتعرفنا بجد ما هو البراندينج
طيب ما تيجو نعرف ما هو البراندينج ونكمل بعدها كلامنا عن اعلانات ياسمين!
البراندينج هو خطوة تسويقية أساسية
تقوم فيها المؤسسة بإنشاء اسم أو رمز أو تصميم
ليصبح بطاقة تعريفية وإشارة مميزة للشركة
وده بيساعد الجمهور والمستهلكين على التعرف على المنتج وتمييزه عن المنتجات
سواء كانت بضائع أو خدمات أخرى.
تعالوا نرجع إلى ياسمين
وكيف فسرت لنا ما هو البراندينج بإعلان فودافون ٢٠٢٣
اقرأ عن التسويق الحسي وتجربة دانكن دونتس في كوريا
في الرابط ده
http://bit.ly/3IwvN8q
ياسمين ظهرت في اعلان فودافون بلبس احمر وماكياچ احمر وإعلان احمر في احمر بكل ما تحمله الكلمة من معاني
وغالبا ده مقصود لاكتر من سبب
اولها بالطبع إن علامة فودافون التجارية يطغى عليها اللون الأحمر
وده اللي بنشوفه في لون شريحة الخط
وبنشوفه في ديكورات فروع خدمة العملاء
وفي لافتات المحلات دي
وفي سكارفات وكرافتات ممثلي خدمة العملاء والمبيعات في الفروع
وفي الكراسي والمكاتب وكل شيء
ويمكن السبب التاني يكون وقت نزول الاعلان في فبراير
وهو المشهور بوجود الڤلانتين فيه
وهو الاحتفال الاجتماعي اللي بيطغى عليه اللون الأحمر
سواء اتفقنا أو اختلفنا معاه
فهو أصبح مناسبة تسويقية معتادة في مجتمعنا
تعالوا بقى نشوف أمثلة تانية
بتوضح لنا ما هو البراندينج وبتساعدنا نفهم قوة الالوان وربطها في ذهن العملاء ترسيخا للعلامة التجارية
يعني مثلا فروع سلسلة الوجبات السريعة الشهيرة زي ماكدونالدز
ايه اكتر لونين موجودين في ديكورات وتجهيزات ولبس موظفيها؟
الأحمر والأصفر
مستمدين بكل تأكيد من ألوان اللوجو الشهير لعلامة ماك الأشهر
طيب ماذا عن ألوان متجر آيكيا؟
إنها نفس الوان علامة آيكيا السويدية الشهيرة
وهي بالمناسبة نفس الوان علم السويد
طيب مش لما بتشوف الرسمة دي
بتعرف نوع المنتج بدون ما يتكتب هو ايه ولا بتطلع لنا الوان حتى!
طيب مش وانت ماشي في المول بتعرف أن محل سينابون بيقرب عليك وانت حتى مغمض عينيك!
مش بتعرف نوع الموبايل ساعات من النغمة الخاصة بيه!
يعني الالوان والروائح والأصوات وساعات الطعم وحاجات تانية كتير ممكن تستخدمها لعمل براندينج لمنتجاتنك
وأمثلة وأمثلة كتير هنلاقيها بتفهمنا البراندينج بكل بساطة
فلو كنت وصلت للنقطة دي من المقال
قل لي بتعمل ايه عشان تعمل براندينج لمنتجاتك؟
ايه نجح منها وعلق مع الجمهور؟
وايه محتاج تطوره وتواكب المفهوم العلمي للبراندينج
لو عجبكم المقال يسعدني انكم تتابعوني على قناة اليوتيوب
https://www.youtube.com/c/tamerelmoghazy1
وكمان تقدروا تلاقوني على فيس بوك هنا facebook.com/tamer.elmoghazy
وكمان على تيك توك https://www.tiktok.com/@tamer.elmogha…
وكمان على انستجرام https://www.instagram.com/tamerelmogh…
وموقعي ده اللينك بتاعه tamerelmoghazy.com