دليل المحتار في عمل خطة التسويق الناجحة لبزنس في أول المشوار
Table of Contents
خطة التسويق.. ما هي؟
قبل ما نعرف ازاي نعمل خطة التسويق الناجحة
المهم نعرف الاول ايه هي خطه التسويق
خطة التسويق هي الوثيقة المكتوبة التي يجب أن تكون مكتوبة وموثقة
وهي جزء مهم من مكونات خطة العمل ككل
وبتناقش وتحلل أحداث حصلت في الماضي
وتتنبأ بما سيحصل في المستقبل
اعتمادا على العمل الذي سيتم اليوم
وتحتوي خطة التسويق على مجموعة من العناصر الأساسية
اللي بتمكن واضعها من التخطيط للنجاح
عشان علماء الادارة بيقولوا إن
عدم تخطيطك للنجاح هو تخطيط منك للفشل!
فلما بتقوم بعمل خطة التسويق
فأنت بتعمل على وضع خطط واستراتيجيات
بتعزز منتجك سواء كان بضاعة أو خدمة أمام جمهورك المستهدف
من أجل جذب عملاء جدد
والحفاظ أيضا على ولاء العملاء الحاليين
ومن المهم أن نقول أن خطة التسويق الناجحة هي احدى أهم أدوات أصحاب الأعمال ورواد الأعمال والتجار والمسوقين
للوصول للنجاح والحفاظ عليه
لو قاموا بالعمل على عمل خطة التسويق الناجحة بفعالية وكفاءة
ما أهمية خطة التسويق؟
بعد ما عرفنا ايه هي خطه التسويق
مهم نعرف ايه هي اهميتها؟
خطة التسويق ببساطة هي أداة حيوية لنجاح أي عمل
فهي تساعد على تحديد أهداف المؤسسة فيما يتعلق بالتسويق وتحديد الجمهور المستهدف والطريقة المثلى للتواصل معه
وبتساعدنا خطة التسويق على تحديد المنافسين والتقوق عليهم
وتحديد استراتيجيات الأسعار والترويج والموقع والمنتج
وهي العناصر المهمة التي تكون المزيج التسويقي Marketing mix أو ال 4Ps
وعشان نكون أكثر تفصيلا
فخطة التسويق بترسم لنا الاطار اللي بنعرف من خلاله كيفية توزيع المنتج
وكذلك تحديد الخدمات والعروض الخاصة اللي هيتم تقديمها لشريحة السوق والجمهور المستهدف
كما تحدد الخطة الإعلانية والتسويقية الخطوات والافعال المطلوبة لجذب واستهداف الجمهور المستهدف
وتعرف لنا خطة التسويق الخطوات اللازمة للتأكد من وجود اهتمام وطلب للمنتج من قبل العملاء والسوق بشكل عام
كيف تتمكن من النجاح في عمل خطة التسويق المثالية؟
لتحقيق النجاح في عمل خطة تسويق مثالية
يمكن اتباع بعض الخطوات الرئيسية التي تعتمد على أطر ونماذج تستخدم في التخطيط
وهنشتغل سوا في الخطوات التالية على وضع خطوات خطة التسويق الناجحة معتمدين على نموذج سوستاك أو
SOSTAC model for planning
اللي ابتكره عالم الادارة الشهير پي آر سميث PR Smith عام 1999 وهو من النماذج المرنة والناجحة والمجربة والقابلة للتطبيق العملي اللي بتكمننا من عمل خطة التسويق الناجحة بطريقة ممنهجة وفعالة:
1- تحليل
Situational analysis
ودي الخطوة اللي بنعمل فيها تحليل للموقف
وهي ببساطة اجابة سؤال احنا واقفين فين؟
بندرس ونحلل ونفهم ونبحث
في السوق والجمهور والمنافسين
يعني البيئة الخارجية اللي بتحيط بالمنتج بتاعنا
External environment
وكمان بندرس ونحلل ونفهم ونبحث
في منتجنا وشركتنا ومؤسستنا وموظفيننا ومواردنا ومالياتنا وامكانيانتا كلها
يعني البيئة الداخلية
Internal environment
ومن البحث والدراسة والتحليل والفهم ده
بنخرج بتحليل مهم جدا
مبني على العوامل الخارجية والداخلية
بناء على تحليلها وتحديد الايجابي منها والسلبي
ايوه هو ده
تحليل سوات الرباعي
SWOT analysis
وبنسكن فيه نقاط القوة في مربع العوامل الداخلية المحببة او الايجابية
ونقاط الضعف في مربع العوامل الداخلية السلبية او غير المحببة
ولما بنلاقي في العوامل الخارجية حاجة ايجابية بنسكنها في مربع الفرص
والتهديدات او الاخطار بنسكنها في مربع العوامل الخارجية غير المحببة او السلبية
ولما بنخلص تحليل سوات الرباعي
بنقدر ننتقل للخطوة اللي بعدها
وهي تحديد الاهداف
2- وضع الاهداف
Objectives
وقبل ما نتكلم عن اي حاجة في الخطوة دي
مهم نفضل فاكرين طول عمرنا
ان الهدف لازم يكون ذكي
SMART objective
اللي هو لما نيجي نضع هدف لازم تتوفر فيه 5 عناصر عشان يكون ذكي ويساعدنا على النجاح في التخطيط ووضع خطة التسويق الناجحة
اول حاجة لازم الهدف يكون محدد Specific
وتاني حاجة يكون Measurable يعني قابل للقياس
وتالت حاجة يكون Achievable يعني قابل للتحقيق
ورابع حاجة يكون Realistic يعني واقعي
وخامس حاجة واللي ناس كتير بتنساها دايما وهي بتخطط
وهي عنصر مهم جدا
ان الهدف يكون مؤقت بوقت معين Time framed يعني
يعني ممكن نقول ان هدف زي : اضافة 1000 متابع لصفحة نشاطك التجاري على فيسبووك في شهر ابريل
ده كده هدف سمارت ذكي يعني
لأنه توفرت فيه العناصر من حيث اننا حددنا حاجت معينة وقسناها
وهنحاول ننفذها في زمن محدد
وفي نفس الوقت واقعية وقابلة للتحقيق
باقي بس اننا نقول
ان خطوة تحديد الاهداف بتجاوب برضه عن سؤال
وهو عايزين نوصل لفين؟
3 – رسم الاستراتيجية
Strategy
بتيجي خطوة رسم الاستراتيجية بعد خطوة تحديد الاهداف
ودي الخطوة التالتة في خطوات عمل خطة التسويق الناجحة حسب سوستاك مودل
SOSTAC model
وهنا بنضع الاستراتيجيات اللي هنستخدمها لتحقيق الأهداف المحددة
وفي الخطوة دي بنجاوب على سؤال
ازاي هنوصل؟
يعني ازاي هنحقق اهدافنا.
الاستراتيجيات لازن تكون واضحة ومنطلقة من بيانات محددة
مبنية على التحليل وعلى الاهداف الموضوعة
وطبعا لو بنعمل خطة تسويق شاملة الشقين الرقمي والتقليدي
فلازم يكون عندنا استراتيجية لكل منهما
وفي الخطوة دي بيكون مهم نشتغل على 3 حروف لو عملناهم يبقى عملنا الاستراتيجية
STP
ال S هي ال Segmentation
وفيها بنقسم السوق لشرائح
وفيه 4 عوامل بنقدر نقسم فيها السوق لشرايح
عوامل جغرافية
يعني مكان سكن او معيشة جمهور او عملائي المستهدفين
وده ممكن يكون قارة او شارع
يعني مثلا وانا ببيع قطع غيار لسيارات قطع غيار مناسبة للسيارات اللي مقودها عاليمين
اكيد هيكون في استرتيجيتي التسويقية ان شريحة جمهوري مثلا يكون من ضمنها سائقي السيارات في قارة استراليا
وتاني عامل هو الديموغرافي
اللي هو التركيبة السكانية
يعني الحاجات اللي زي السن ومستوى التعليم والنوع والدخل والتعليم
وتالت عامل هو النفسي او السيكوجرافي
اللي هو ايه هي اهتمامات الجمهور
واتجاهاتهم وقيمهم واسلوب حياتهم
وبيدخل فيها بقوة تحديد الجمهور في اي طبقة اجتماعية
ورابع عامل هو السلوك
يعني ولاء الجمهور لبراندات معينة او سلوكياتهم الشرائية
زي الشراء اونلاين مثلا او التسوق في اسواق معينة
وبعد ما بنحدد هنقسم السوق ازاي
وايه هي خصائص كل شريحة من السوق
بنبدأ نقيم الشرائح اللي ظهرت
ونحدد اي شريحة فيهم هتكون مربحة وجذابة لينا اكتر
او ساعات اكتر من شريحة مش شرط واحدة
وده حرف الT اللي هو Targeting
واخر حرف هو الP اللي بيختصر Positioning
وهنا بنطور تموضع للمنتج في ذهن كل شريحة اخترناها في خطوة الاستهداف
وكمان بنطور المزيج التسويقي لكل شريحة سوقية
وبكده نكون قدرنا نرسم او نصمم الاستراتيجية اللي هتقودنا لخطوة رابعة من خطوات ال SOSTِAC لعمل خطة التسويق وهي خطوة الTactics
4- وضع التكتيكات
Tactics
وهنا بنجاوب على سؤال
ايه هي تفاصيل الاستراتيجية اللي تخلينا نعرف نعمل خطة التسويق الناجحة
يعني ايه هي التكتيكات اللي هنقدر بيها نتواصل مع شريحتنا السوقية
والتفاصيل ده يتتضح لما بنحدد ايه هو المزيج التسويقي
ال marketing mix او ال 4Ps
