أهم 10 مصادر لصناعة المحتوى التسويقي ضمن استراتيجية التسويق بالمحتوى
ليه مهتمين بالتسويق بالمحتوى؟
وليه كل بزنس صغير أو ستارت أب لازم ياخد باله من الاستراتيجية دي؟
وليه ياترى بيل جيتس قال المحتوى هو الملك؟
لأن جمهور اليوم والموجود أونلاين أكثر من وجوده أوفلاين بقى بيدور على المحتوى اللي يجذبه، مش بس في الترفيه والمرح والاجتماعيات، لا.. كمان في البيع والتسويق والمشتريات، فلو قدرت كمسوق إنك تصنع محتوى مخصص للجمهور المستهدف، هتقدر تستقطبه معاك في رحلة لطيفة ومهمة جدًا اسمها رحلة المشتري Buyer’s Journey or AIDA model
ودي هنتكلم عنها في مقال قريب إن شاء الله، وفيها يتصنع محتوى مناسب للعميل في كل مرحلة من مراحل رحلته معاك، يعرفك يهتم ببك يرغب في شراء منتجك وفي النهاية يشتريه، لأن محتواك جذبه وحببه فيك، سهلة أهيه!
كده خلصنا المقدمة والاستهلال، ندخل بقى في الموضوع ونعرف أهم مصادر تفيدنا في استراتيجية التسويق بالمحتوى!
يلا بينا؟
1- موقع فري بيك
وهو من أهم المواقع اللي بتقدم عدد مهول من الصور والتصميمات المرئية اللي تقدر تستخدمها في صناعة المحتوى المرئي زي تعديل الصور أو عمل الانفوجراف او صناعة الفيديو من صور ثابتة، وتقدر تستخدم النسخة المجانية ويتاح لك فيها تنزيل الصور اللي عايز تستخدمها في صناعة المحتوى، وكمان فيه خطط شهرية مدفوعة لو حبيت تحصل على المصادر غير المجانية.
رابط الموقع: http://freepik.com
بيقدم نفس اللي بيقدمه فري بيك، بس كمان متميز في جزئية مهمة، وهي إننا نقدر نعمل بحث على بالصور أو الفيديوهات، لأن الجاليري الخاص ببكيسيلز كمان بيقدم فيديوهات في كل مجالات الحياة، بكل المقاسات ومستويات الجودة كمان، موقع رائع آخر ورابطه:
3- ستوديو منشئي المحتوى في يوتيوب
والستوديو ده YouTube creator Studio بيحل لنا مشكلة كبيرة جدًا وهي الحصول على موسيقى للخلفية بدون مشاكل حقوق الملكية الفكرية، فهنلاقي جوه ستوديو اليوتيوب مكتبة صوتية رهيبة، فيها موسيقى واغاني من كل التصنيفات، وكمان مؤثرات صوتية زي صوت المطر او صوت سيارة مسرعة او صوت خطوات حد ماشي مثلا!
رابط المكتبة الصوتية:
https://www.youtube.com/audiolibrary/music
4- ستوديو منشئي المحتوى في فيس بوك:
نفس اللي بيقدمه يوتيوب في الستوديو الخاص بيه بيوفره فيسبوك لصناع المحتوى في Creator Studio، جوه الكرييتور ستوديو هنلاقي برضه مكتبة صوتية مماثلة فيها الكثير من الاصوات اللي تساعدنا على صناعة المحتوى المسموع.
تقدروا توصلوا للمكتبة الصوتية لفيسبوك من هنا:
https://business.facebook.com/creatorstudio?tab=ct_sound_collection
5- موقع كانفا:
وما أدراكم ما موقع وتطبيق كانفا، حقًا إنه رائع 😀
في كانفا آلاف القوالب والفيكتورز والصور والأصوات والفيديوهات اللي نقدر نستخدمها في صناعة واعادة صياغة المحتوى، وفي نسخته المجانية نقدر نعمل محتوى احترافي بكل اشكاله، صور وفيديو وانفوجراف وكمان سيرة ذاتية او برزينتيشن زي الباور بوينت حتى، وهو موجود كمان كتطبيق على جوجل بلاي أو متجر أبل، رابط Canva:
6- موقع بيكساباي
لو دورت في فري بيك وبيكسيلز وملقيتش المصادر ذات الجودة العالية وبدون حقوق ملكية فكرية اللي مناسبة لفكرتك، على طول روح ل Pixabay وده الرابط الخاص بيه:
اقرأ أيضا: 15 فكرة لصناعة المحتوى التسويقي: https://bit.ly/3sG1nHu
7- مصادر أخرى للمحتوى الصوتي بدون حقوق ملكية فكرية:
http://ccmixter.org/
https://www.freesound.org/
http://ncsmusic.com/
8- مواقع لصناعة لوجو مجانًا:
حتى لو كنا بزنس صغير أونلاين او مجرد ستارت أب لسه بيحبو، مهم يكون عندنا لوجو، ولو ممعاناش فلوس تكفي ندفعها لمصمم محترف، نقدر نبدأ بلوجو بسيط ونقدر نستخدم الأدوات دي:
https://www.designevo.com
https://www.designfreelogoonline.com/
9- الجيفات GIFs:
وهي من الادوات اللطيفة اللي بتخدم المحتوى في بعض المنصات زي مسنجر أو تويتر مثلا، ونقدر نصممها من مواقع كتيرة اشهرها جيفي ورابطه:
https://giphy.com/create/gifmaker
10- بينتريست Pinterest.. أداة التغذية البصرية اللازمة لكل عامل ب استراتيجية التسويق بالمحتوى
الموقع المهضوم حقه في مصر، وهو الموقع الأشهر اللي نقدر نعمل منه عملية مهمة جدًا لكل صناع المحتوى وهي عملية التغذية البصرية، بينتريست معرض فني كبير، فيه كل انواع التصاميم في كل حاجة في الدنيا، ديكورات وكروت افراح وسيفيهات وتصاميم سوشيال ميديا، لازم يكون لينا اكونت عليه وناخد لفة فيه كل يومين كده، وها هو رابطه:
لو عجبكم المقال، تابعوا مقالاتنا كلها من هنا:
https://tamerelmoghazy.com/%D8%A7%D9%84%D9%85%D8%AF%D9%88%D9%86%D8%A9/
وتشرفوني كمان على السوشيال ميديا من هنا:
https://www.tiktok.com/@tamer.elmoghazy?lang=en
https://www.instagram.com/tamerelmoghazy/
https://www.linkedin.com/in/tamerelmoghazy/
https://www.youtube.com/c/tamerelmoghazy1
سعدنا بكم ونرجو أن نكون قد أفدناكم 😀
مع دعواتي لكم بالنجاح كله
تامر المغازي